అపజయాన్ని నేను

అపజయాన్ని నేను
అవహేళనని, అవమానాన్ని నాతో తీసుకొస్తాను
అధైర్యం, నిస్సహాయత నా వెన్నoటే ఉంటాయి
నిరాశ, నిశ్పృహ నాతొ తొడుగా వస్తాయి.

అపజయాన్ని నేను
అందరూ నేంటే భయపడతారు
అందరూ నానుంచి దూరంగా ఉండాలనుకొంటారు
అందరూ నన్ను చూసి అసహ్యించుకుంటారు

అపజయాన్ని నేను
నాతో ఆడుకొనేవారికి
వారికి తెలియని నిద్రాణమైన శక్తులను వెలికి తీసి
కొత్త ఊపిరి నింపి, వారినే వారికి కొత్తగా పరిచియం చేసి
గెలుపు విలువను తెలియజెప్పి
విజయం వాకిట్లో సగర్వoగా నిలబెడతాను.

అపజయాన్ని నేను

కాముధ – కాకర మురళీధర్