Archive for June, 2010

మరచి పోయిన ఙ్ఞాపకం

June 30, 2010

అనుభవాల పేటిక లోంచి 
ఒక ఙ్ఞాపకం లేచివచ్చి అంది కదా!!

ఎలాంటి వాడివి నువ్వు,
నన్నే మరిచి పోయావు,

పచ్చని పచ్చిక పై నడచి వచ్చిన అనుభూతిని,
ఉదయాన్నే లేత పచ్చిక పై మంచు బిందులవులతొ కలసి మాట్లాడిన మాటలను
ఎగిరి పడే తూనీగలతో కలసి ఎగిరి పడె మనసును మరచి పోయావు

అవునులే, నవీన జీవన సమరం లో 
విజయ పోరాటానికి తప్ప అనుభూతులకు చోటు లేదు
ఈ ఇమైల్-ఇంటర్‌నెట్ కాలం లో అనుభవాలు నెమరువేసుకొనే టైమే లేదు.

కాని, ఒక నిదురాని రాత్రి 
మనసు పుస్తకాల దొంతరల లోంచి లేచి వచ్చి
ఙ్ఞాపకాలను చిలకరించి, వేగుతున్న మనసును లాలించి నిదురపుచ్చి
తెల్లవారేసరికి వేయి వసంతాల వెలుగునిచ్చింది.

                                                                -కాముధ

Advertisements

ఎయ్‌ రా జొకులైరా

June 16, 2010